སྨར་ཚང་བཀའ་བརྒྱུད་ཀྱིས་དབྱིན་ཇི་དང་ཐེ་ཝན་ལ་ལོ་རྟག་ཆོས་ཕྱོགས་ཀྱི་བྱེད་སྒོ་གཏན་ཁེལ་བའི་རིགས་རྣམས་བཤམ་དུ་ངོ་སྤྲོད་མདོར་བསྡུས་ཞུ་ཡོད་པས་གཟིགས་རོགས། གལ་ཏེ་དོག་འདྲི་དགོས་ངེས་མཐོང་ཚེ་ཁ་བྱང་ཐོག་འབྲེལ་གཏུགས་གནང་རོགས། །
Read more ...སྨར་ཚང་བཀའ་བརྒྱུད་ཀྱིས་དབྱིན་ཇི་དང་ཐེ་ཝན་ལ་ལོ་རྟག་ཆོས་ཕྱོགས་ཀྱི་བྱེད་སྒོ་གཏན་ཁེལ་བའི་རིགས་རྣམས་བཤམ་དུ་ངོ་སྤྲོད་མདོར་བསྡུས་ཞུ་ཡོད་པས་གཟིགས་རོགས། གལ་ཏེ་དོག་འདྲི་དགོས་ངེས་མཐོང་ཚེ་ཁ་བྱང་ཐོག་འབྲེལ་གཏུགས་གནང་རོགས། །
Read more ...
ཆོས་ལུགས་ཀྱི་ཐོབ་ཐང་འདྲ་མཉམ་ལོངས་སྤྱོད་པའི་དབྱིན་ཇིའི་རྒྱལ་ཁབ་འདི་ལ། ཡེ་ཤུ་དང་། ཧེ་ཏུང་། ཁ་ཆེ། ནང་པ་སོགས་གཞུང་འབྲེལ་དེབ་སྐྱེལ་བྱས་པའི་ཆོས་ཚོགས་༤༩༨༨༡ ཡོད་ཅིང་། རྒྱལ་ས་ལོན་གྲོན་ལ་ཆོས་ཚོགས་༢༢༠༠ ཡོད་པ་རེད། དབྱིན་ཇིའི་རྒྱལ་་པོ་ King Charles ཕྱྭ་ལི་སི་ཡིས་བཙུགས་པའི་the Faith &Belief Forum ཞེས་པའི་ལུགས་ཀྱི་གཟེངས་རྟགས་ཚོགས་པ་འདིས། ཕྱི་ལོ་༢༠༢༣ ལོ་ཟླ་བ་༡༡ ཚེས་༢༡ ལ་གཟེངས་རྟགས་ཐེངས་བདུན་པ་འདི་ཆོས་ཚོགས་༣༢ འདེམ་སྒྲུག་བྱས་པ་ནང་ལ། སྨར་ཚང་བཀའ་བརྒྱུད་རྟག་བརྟན་ཕུན་ཚོགས་གླིང་ཡང་འདེམ་སྒྲུག་བྱས་ཡོད་གསུངས་སོང། གཟེངས་རྟགས་འདི་ཆོས་ལུགས་སོ་སོའི་ལྟ་གྲུབ་དང་། རིགས་གཞུང་། གོམས་སྲོལ་སོགས་ཐབས་སྣ་ཚོགས་ལ་བརྟེན་ནས་ཡུལ་འདི་མི་རྣམས་ལ་ཕན་པའི་ལས་དོན་གྱི་གྲུབ་འབྲས་གཟེངས་སུ་ཐོན་པའི་དཔང་རྟགས་ཕུལ་བ་ཡིན་ཞེས་འགྲེལ་བརྗོད་གནང་། སྨར་ཚང་བཀའ་བརྒྱུད་ལ་གཟེངས་རྟགས་ཕུལ་བ་འདི་མདོར་བསྡུས་ན་གཉིས་སུ་ངེས་ཡོད། དང་པོ་ནི། ཡུལ་འདིར་ནང་པ་སངས་རྒྱས་པའི་ཆོས་ཀྱི་སྲོལ་བརྒྱུད་རྙིང་མའི་ཐབས་ལམ་ལ་བརྟེན་ནས་ལོ་བཅུ་ཕྲག་གཅིག་ལྷག་གི་རིང་ལ། སྡེ་ཚན་རེ་ལ་ལོ་གསུམ་དང་ཕྱེད་ཀའི་སློབ་ཚན་མཐར་ཕྱིན་པ་ཁྲིད་ནས་གྲུབ་དོན་ལག་འཁྱེར་སྤྲོད་ཅིང། ཉམས་ལེན་གྱི་རིམ་པ་ཡང་སྲོལ་བརྒྱུད་ལྟར་ཁྲིད་པ་འདི་གཞན་ལས་ཁྱད་པར་འཕགས་པ་ངོས་འཛིན་ཞུས་ནས་གཟེངས་རྟགས་ཕུལ་བ་ཡིན་ཞེས་གསུངས། གཉིས་པ་ནི། གཏོག་དབྱིབས་ནད་དུག་གི་སྐབས་སུ་སློབ་རྒན་ཚོས་ཆོས་ལུགས་རིས་མེད་ཀྱི་མི་རྣམས་སེམས་ཁམས་ཞི་བ་ལ་གནས་པའི་ཕྱིར་ཏུ། དྲན་པ་དབྱུག་ལ་གཏད་པ། དྲན་པ་ལུས་ལ་གཏད་པ། དྲན་པ་ཚོར་བ་ལ་གཏད་པའི་ཐབས་ལམ་ལ་བརྟེན་ནས་ལོ་གཉིས་ཀྱི་རིང་སྒོམ་ཁྲིད་རྒྱུན་སྐྱོང་བས་མི་མང་པོ་ཞིག་གི་སེམས་ཁམས་ལྷོད་དུ་འབབ་པ། སྐྱོ་སྣང་བསང་བ། འཇིགས་སྣང་ཞི་བ་སོགས་གྲུབ་འབྲས་ཆེན་པོ་ཐོན་པ་ངོས་འཛིན་ཞུས་ནས་གཟེངས་རྟགས་ཕུལ་བ་ཡིན་ཞེས་འགྲེལ་བརྗོད་གནང་སོང། དེ་རིང་གཟེངས་རྟགས་ཐོབ་པའི་ཆོས་ཚོགས་༣༢ ནང་ནས་སྐྱར་དུ་ཆོས་ཚོགས་༨ འདེམ་སྒྲུག་བྱས་ནས་ཚེས་༢༢ ལ་དམིགས་གསར་གྱི་བཅར་འདྲི་ཞུ་རྒྱུ་ཡིན་ཞེས་བརྡ་འཕྲིན་འབྱོར་སོང་བས། ང་ཚོའི་སློབ་མ་ཞིག་གིས་བཅར་དྲི་ལེན་འདེབས་བྱས་པ་རྣམས་ཚོགས་པ་དེའི་དྲ་ལམ་དུ་རིམ་བཞིན་འགོད་རྒྱུ་ཡིན་གསུངས། འདི་ནི་སྨར་ཚང་བསྟན་པའི་བདག་པོ་༧ འགྲོ་མགོན་གངས་རི་ཀརྨ་རིན་པོ་ཆེས་ཕྱི་ལོ་༢༠༠༨ ལོ་ལོན་གྲོན་ལ་སྨར་ཚང་བཀའ་བརྒྱུད་རྟག་བརྟན་ཕུན་ཚོགས་གླིང་ཕྱག་བཏབ་པ་ནས་བཟུང་ལོ་ངོ་བཅུ་ཕྲག་གཅིག་ལྷག་གི་རིང་ཉིན་མཚན་དབྱེར་མེད་འབད་བརྩོན་བྱས་པ་དང་། སྲི་ཞུ་ལས་བྱེད་ཚོས་ཀྱང་ལྷག་བསམ་བཟང་པོ་ཀུན་ནས་སླངས་ནས་འགྲོ་སོང་ཆེ་ཆུང་ཐམས་ཅད་སོ་སོའི་བཏང་ནས་འབད་བརྩོན་བྱས་པའིི་གྲུབ་འབྲས་གཟེངས་སུ་ཐོན་པའི་དཔང་རྟགས་གནང་བ་ལ་བརྟེན་ནས། སྲི་ཞུ་བ་རྣམས་སླར་ཡང་སེམས་ཤུགས་དང་སྙིང་སྟོབས་བསྐྱེད་པ་ལ་ཕན་ཐོག་ཆེན་པོ་བྱུང་སོང་བས། སྨར་ཚང་རྟག་བརྟན་ཕུན་ཚོགས་གླིང་གི་ལས་ཁུངས་ནས་དྲང་བདེན་གྱི་ལས་ལ་བརྩོན་པའི་the Faith &Belief Forum ཚོགས་པ་འདིའི་དབུ་ཁྲིད་དང་། ཉམས་ཞིབ་པ། ལས་བྱེད་ཡོངས་ལ་སྙིང་ཐག་པ་ནས་ཐུགས་རྗེ་ཆེན་ཞུས་ཀྱིན་ཡོད།
མཆོག་གི་སྤྲུལ་སྐུ་རིན་ཆེན་རྒྱལ་མཚན་ནི་ཕྱི་ལོ་༡༢༧༨་དབྱར་ཟླ་༡་ཚེས་༣་ལ་སྨར་ཁམས་འབུམ་མཚོའི་ཉེ་འདམ་ལ་འབྱོར་ལྡན་ཚང་གི་ཁྱིམ་དུ་ཡབ་རྣལ་འབྱོར་དཔོན་དང་ཡུམ་བྱམས་བཟང་ལྷ་མོ་གཉིས་ལས་སྐུ་འཁྲུངས། དགུང་ལོ་གསུམ་སོན་དུས་འགྲོ་མགོནརིན་ཆེན་གྱི་སྐྱེ་བ་ཡིན་པ་སྔོན་གནས་རྗེས་སུ་དྲན།
ཡབ་ཀྱིས་རིན་ཆེན་རྒྱལ་མཚན་ཞེས་མཚན་གསོལ་ནས་ཡིག་འབྲུ་སློབ། དགུང་ལོ་བཅུ་གཅིག་སོན་དུས་སྨར་ཚང་གི་གདན་ས་ཙོམ་མདོ་དགོན་པའི་ཆོས་སྒོར་ཞུགས། ཤོ་དགོན་དུ་དབུ་རྩེ་བ་མཇལ་ཙམ་གྱིས་དད་པ་ཚད་མེད་སྐྱེས། དགུང་ལོ་བཅུ་གསུམ་སོན་དུས་དབུ་རྩེ་བ་དང་། བྱང་ཆུབ་གླིང་པ་སོགས་ལས་རབ་ཏུ་བྱུང་། མཚན་རིན་ཆེན་གླིང་པ་གསོལ། རྗེ་འདིའི་མཚན་ལ་རིན་ཆེན་རྒྱལ་མཚན། རིན་ཆེན་གླིང་པ། སྤྲུལ་སྐུ་རིན་ཆེན་རྒྱལ་མཚན། སངས་རྒྱས་རིན་ཆེན་གླིང་པ་ཞུ་སྲོལ་ཡོད། མཁན་པོ་ལས་མདོ་གཞུང་ཐམས་ཅད་གསན་བསམ་མཛད། རྗེ་དབུ་རྩེ་བ་ལས་སྨར་ཚང་ཕྱག་ཆེན་སོགས་གསང་ཆོས་ཐམས་ཅད་ཐོས་བསམ་སྒོམ་གསུམ་མཛད། ཤེས་རབ་དཔལ་བཟང་དང་དབུ་རྩེ་བ། ནམ་མཁའ་རྒྱལ་མཚན་སོགས་ལས་བསྙེན་པར་རྫོགས། སྨར་ཚང་ཕྱག་ཆེན་སྒོམ་སྒྲུབ་མཛད་པས་ལྟ་བ་ཟབ་མོ་ཐུགས་ལ་འཁྲུངས། ཡི་དམ་ལྷས་ཞལ་གཟིགས། རྗེ་དབུ་རྩེ་བས་བཀའ་ལུང་ལྟར་ཤོ་དགོན་གྱི་རྒྱལ་ཚབ་མངའ་གསོལ། རྗེ་དབུ་རྩེ་བ་འདས་མཆོད་གསེར་གདུང་མཆོད་རྟེན། ཐུབ་དབང་གསེར་སྐུ། གསེར་གྱི་རྣམ་སྣང་གྲུ་གང་། གསེར་ཐང་སྟོང་ཕྲག་བཅས་བཞེངས། དགེ་འདུན་གཉིས་སྟོང་ལྔ་བརྒྱ་ལྷག་སྒོམ་ཁྲིད་མཛད་པས་ཕྱག་ཆེན་ལྟ་བ་རྟོགས་པ་མང་དུས་ལྔ་བརྒྱ་དང་ཉུང་དུས་གསུམ་བརྒྱ་ཙམ་བྱུང་། ཙོམ་མདོ་གནས་གསར་གྱི་རྒྱལ་ཚབ་མངའ་གསོལ། ས་སྐྱའི་དཔོན་ཆེན་གྲགས་པ་རྒྱལ་མཚན་དང་ཏི་ཤྲི་ཀུན་དགའ་བློ་གྲོས་ཀྱིས་བཀའ་ཤོག་གནང་།ཐང་སྐྱ་དགོན། སྟག་ར་དགོན། ཁུག་ཆུང་དགོན། གོ་བོ་དགོན་བཅས་ལ་བཞུགས་དུས་རྟོགས་པ་ཕུལ་མཁན་ཉིས་བརྒྱ་ཙམ་བྱུང་། སྒོམ་ཆེན་རྣམས་ཀྱིས་ལུས་གཅེར་བུ་འཁྱགས་རོམ་སྟེང་བསྡད་པ། ནམ་མཁའ་ལ་འཕུར་བ་སོགས་རྟོགས་རྒྱུག་ཕུལ།དགོན་རྣམས་ལ་དངུལ་རྡོ་ཚད་བྲེ་ཉེར་ལྔ་རེས་ལྷ་སྐུ་བཞེངས། ལོ་སྨད་ལ་རོམ་དགོན། ཀོལ་ཕྲོམ་དགོན། འདོར་བཟང་དགོན། དཔལ་འཛོམ་དགོན། ཚེ་དུ་མཛོ་དགོན། རྦ་མདོ་དགོན། བཅུ་འགོ་དགོན། དོལ་ཀར་དགོན། རོལ་ཐོ་དགོན། རྒྱལ་དགོན་རྣམས་ཆོས་ཀྱི་བདུད་རྩི་སྦྱིན། དགུང་ལོ་བདུན་ཅུ་དོན་དྲུག་ཤིང་རྟ་ལོ་དགུན་ཟླ་བའི་ཚེ་༨་སྔ་དྲོར་བདེ་བར་གཤེགས། རྗེ་འདིས་དགོན་བདུན་ཕྱག་བཏབ། སྲས་ཀྱི་ཐུ་བོ་སྤང་མཁན་ཆེན་དྲི་མེད་འོད་ཟེར། བསོད་ནམས་རྒྱལ་མཚན། ཀུན་དགའ་རྒྱལ་མཚན། དགྲ་འདུལ་འོད་ཟེར། དོན་གྲུབ་འོད་ཟེར། ཉི་མ་འོད་ཟེར། དོན་གྲུབ་རྒྱལ་མཚན། རིན་ཆེན་དཔལ་བཟང་སོགས་བྱོན། གསུང་འབུམ་སྨར་ཚང་ཕྱག་ཆེན་ཉམས་ཁྲིད། རྟོགས་མགུར། སྙན་འགྲེལ། སྙན་ངག་མེ་ལོང་མའི་དཔེ་རྒྱན་སོགས་ཡོད།
རྒྱལ་སྤྱི་ལོ་རྒྱུས་ཁྲིམས་ལུགས་ལྟར་ལོ་རྒྱུས་འདི་དེབ་སྐྱེལ་བྱས་པའི་བདག་དབང་སྨར་ཚང་བཀའ་བརྒྱུད་རྒྱལ་ཡོངས་ལས་ཁུངས་ལ་ཡོད་པས་ཆོག་མཆན་མེད་པ་གང་འབྱུང་ཕབ་བཤུ་དང་ཡིག་རྐུ་བྱས་ཚེ་ཁྲིམས་ལུགས་ལག་སྟར་བྱ་རྒྱུ་ཡིན།