༄། །སྤྱིར་ཤ་ཆང་བདུད་རྩིར་བསྒྱུར་ནས་མཆོད་པ་ཕུལ་བར་རྣལ་འབྱོར་སྤྲོས་བྲལ་ཞིག་གི་ཆ་ལུགས་ཡིན་པས་ལེགས་མོད་། འོན་ཏེ་ཐལ་མ་བའི་སྣང་ཞེན་ལིང་ངེ་ཡོད་མཁན་གྱིས་དེ་བཞིན་བྱེད་ན་ལྷ་ལ་དམར་མཆོད་ཕུལ་བའི་ཉེས་སྐྱོན་དང་བསྟན་པའི་མཚན་ཤད་འགྲོ་ངེས་པས་སྨན་ལྔ་འབྲུ་ལྔ་དང་རིན་ཆེན་ཕྱེ་མ།
དཀར་གསུམ་མངར་གསུམ་སོགས་གཙང་རྫས་ཅི་འབྱོར་གྱིས་ཕྱག་རྡོར་ལ་ཟླུམ་གཏོར་ནོར་བུའི་དབྱིབས་ཅན་ཞིག་བཞེང་། དམ་ཅན་ལ་གཏོར་མ་ཟུར་ལེབ་དམར་པོ་བཞེང་། ཤར་ལྷ་ཆེན་ཚངས་པའི་དཀར་གཏོར་དང་ལྷོར་གཤིན་རྗེ་རྨེ་རུ་རྩེའི་དམར་གཏོར་ཆུང་ངུ་རེ་རྩ་བའི་གཏོར་མའི་གཡས་གཡོན་དུ་བཤམ།